Despues di a lucha tres aña sin haya Post Aruba NV pa cumpli cu un punto den e contract colectivo di trabou, trahadonan a dicidi di bay Corte pa ordena e doño di trabou pa cumpli. E decision lo yega te dia prome di juli.
E trahadonan den e caso aki a haya asistencia huridico di hurista mr. Duijneveld y abogado mr. Rosenstand y tambe tabata presente Secretario General di SEPPA Magaly Brito.
Den e CAO tin un provision poni cu ta un aumento di salario cu e trahadonan no a haya pa prome biaha na 2020. Y for di e tempo ey e problema a cuminsa. A surgi diferencia di opinion ya cu Post ta kere cu e por pag’e den forma di un lumpsum y no inclui esaki den e salario mes. Pues trahadonan no ta di acuerdo pa haya un lumpsum pasobra e ta afecta nan salario.
Dia prome di juli awor tin sentencia. Pa un relato mas amplio lesa e siguiente edicion di Trempan.
