Dos siman pasa San Nicolas Business Association a bin dilanti riba e proyecto di Secrets Hotel. Segun Minister di Turismo Dangui Oduber, a comenta cu luna pasa tabatin un encuentro cu Secrets Hotel, prome cu a bin e sentencia di hues y tabata un bon reunion, caminda nan a expresa nan compromiso pa continua cu e proyecto y haci e inversionnan necesario.
Nan a expresa algun preocupacion cu nan tabatin e tempo ey. Pero n’e momento ey no a bin e sentencia di hues. Despues di e sentencia, e mandatario no a reuni cu e desaroyadonan. Pero cada proyecto cu para ta costa miyones di florin. Ta percura pa varios empleado keda sin trabao.
N’e momentonan aki e proyecto aki ta para y tambe ta trece duda den e grupo di inversionista, si nan por continua cu e proyecto si of no. Si no por sigui cu ne, e por bira un problema grandi pa gobierno. Por mira cu e avancenan ta bisto. A inverti basta miyon florin y ta hopi lamentabel cu e proyecto aki no sigui.
