Awe mainta Asher Yearwood di 29 aña di edad a ricibi su diploma den su mannan, durante un ceremonia na Hulanda. El a slaag como “Master in Chemistry, Science Management and Innovation”. E evento a haya e nomber di “Master Molecular Sciences and Master Chemistry”. El a caba su HBO prome y despues a specialisa y asina awo a yega na nivel di ingeniero (ir).
Tata di Asher ta e conocido polis Tony Yearwood y su mama ta Lisandra Yearwood. Y t’e nieto stima di defunto Ana Yearwood di Dakota. Su mayornan a compañ’e awe durante e evento importante aki den su bida.
Asher, awo cu e tin su diploma como “master” den man, a logra haya un contract pa un aña cu un compania di windmolen na Hulanda. E kier gana poco experiencia ey prome e dicidi riba su futuro.
A funda Radboud Universiteit dia 17 di october 1923, pues 99 aña pasa. Su nomber inicial tabata Katholiek Universiteit van Nijmegen. Cu tempo a cambia e nomber y awendia ta carga nomber di Sint Radboud, for di siglo nuebe, un obispo Hulandes cu tabata conoci pa su sabiduria y sosten na esunnan menos afortuna. E universidad ta conta cu 2735 miembro di personal y no menos cu 24.678 alumno.
