Diasabra mainta, pa mas of menos 11:30 am, personal di Casa Cuna a haya nan mes den un situacion fastioso, unda cu un mama a presenta y a exigi pa mira su yiu. Ora a purba di splic’e cu n’e momento ey tabata imposibel, el a altera y a bira agresivo. El a subi tereno di e institucion asina mes, a drenta y a causa destruccion.
Mirando cu e mama a bira asina agresivo y pa evita cu e situacion a sali full fo’i man, personal di Casa Cuna a pidi sistencia di polis, cu a yega rapidamente n’e sitio pa intermedia.
Eynan personal di Casa Cuna a pone polis na altura di e situacion. Polis na su turno a bay papia cu e mama y kende a laga sa bon cla cu ta algun dia pasa el a sali fo’i KIA y e personal di Casa Cuna no ta lag’e wak pa su yiu. El a agrega cu esey ta un inusticia pasobra e ta inocente. Polis a detene e mama agresivo, mientras tanto cu un trahado social di Slachtofferhulp tambe a presenta eynan pa por papia y calma e mama.
Despues a hib’e mama ward’i polis pa asina e por duna cuenta di su actonan.
