Diasabra marduga pa mas of menos 3:30 am, a sosode un accidente riba e caminda principal na Tanki Leendert. Aki ta caminda cu un auto marca Nissan Modelo March a dal contra di un palo di luz. E impacto tabata fuerte, cu basta sla na e auto y e pal’i luz a kibra den dos parti. E wayanan di coriente tabata colga basta riba caminda.
Polis a desvia trafico p’asina atende libremente cu e accidente. Comosifuera poco, e chauffeur di e March a bandona sitio despues di a accidenta. A notifica persona di Elmar pa atende cu e pal’i luz mientras cu a confisca e auto pendiente investigacion.
