Hopi hende por a sigui casonan internacional, manera e caso di minister Zijlstra di Hulanda, cu a tuma su retiro, pa algo cu el a gaña na 2006. Esey ta muestra di madures politico, pero sigur tambe di integridad, ta uno y sigur tambe di principio. Esey ta netamente locual cu ta carece den e pais aki.
Segun parlamentario Edgard Vrolijk, den gobernacion nan a perde tur principio y etica. Ta pesey e ta contento y hunto cu su colega Rocco Tjon, a sali tempran den Januari y a cuminsa traha riba ley y screening y integridad pa minister.
Pakico e ley ta importante
Abo mester tin etica di bo mes. Pero na Aruba parce cu nos a perde tur extremo di etica. No a worry cu nada mas. Ta bay cera como minister. Enbes cu Parlamento asumi su rol y bisa cu ta pone e persona aki abao, minister ta bay parlamento cu un ley na werki, tur cambia, pa proteha e minister aki. Segun e parlamentario, asina ey nos ta papia di Integridad? Esaki ta netamente pakico a coy e iniciativa pa Januari, pa traha riba e ley aki, cu alma y curpa, dia y anochi, pa por keda cla cun’e, pa entreg’e na presidente di Parlamento pa e por cana su caminda. Pa e cosnan cu a pasa aki, no pasa nunca mas. Cu ora cu un minister haci algo malo, su mes tin cu tuma honor na su mes y bay. A ancr’e eyden. Bo tin cu tuma bo retiro. Den caso cu Paul Croes, antes minister di asuntonan social, e mester a tuma su retiro. Den dado cas, como parlamentario, un homber integro y drechi, abo mester a percura pa e tambe haya su retiro. Pero a mira caba con a goberna, con a dispidi placa di pueblo y sin berguenseria a drenta tur caminda. Etica, principio, a bay perdi y awor aki tin cu trata cu boluntad y pa bon di pueblo, hinca esaki den ley. Casonan manera ministernan cu conflicto di interes, tambe tin cu caba. Por corda con minister di salubridad, sr. Visser, ta doño di tur e boticanan. No mag paga mas. Bo interesnan personal tin cu keda un banda. Y si bo kier bira minister mes, bira di enseñansa. Pero bo no por bira minister di salubridad mas, pasobra e ta crusa den otro. Tur e aspectonan ey tin cu wak bon den futuro ya hincanan den e ley aki y siguramente na e momento cu keda cla pa diahuebs awo, pa por entreg’e na presidente di Staten diabierna. Boluntad tey. Ta trahando dia y anochi riba dje. E meta ta pa entreg’e diabierna. Ta spera cu no tin ningun obstaculo y cu por entrega esaki. Pa e fraccion ta hopi importante y ta e prome paso pa cuminsa den un rumbo nobo pa e pais aki, no solamente di gobernacion. Den esaki a tene cuenta tambe, a profundisa un tiki mas cu hasta e registro na KPA ta tene na cuenta.
Dicon ta bisa esaki
Awo bo tin palarmentarionan cu a horta whiskey y jeans. Pero door cu tin e ley bieu cu e cabayero aki cu ta blof cu integridad, cu a purba di pasa e ley. Ora bo wak, e mes por bira minister, pasobra e no tin un strafkaart. Pero si e tin un registro na KPA cu el a presta algun jeans y whiskey. Eynan caba bo integridad ta cuminsa. Si bo kier goberna e pais aki, bo mester ta limpi y bo mester ta netjes. Asina ey ta cuminsa gara e confiansa bek di pueblo pa vota. Ora bo bay eleccion, cuanto hende a keda sin vota, pa motibo di falta di confiansa. Y awo ta purba di trece esaki bek pa pueblo por medio di e ley aki. Asina lo sigui. Pronto lo ehecuta e ley di control di partido politico tambe. Pronto lo ta cu e ley di integriteitskamer. Cada bes ta bayendo na e bon rumbo. Locual cu a promete, loke a campaña ta cumpli cun’e tambe. Ta pone tur cos pa tur hende wak. Ta pone cu pruebanan. Ta keda na pueblo kico e kier y ki rumbo e kier bay. Si pueblo kier bay na e otro rumbo, e ora e trabao di e politico ta caba eynan. Na e momento ey pueblo kier bay e otro caminda. Si kier bay riba e paso di integridad, Gobiernonan bon, ta sigui e caminda corecto.
