Segun Edgard Vrolijk di MEP, na e momento aki cu tin asina hopi conmocion riba independizacion di DPS, kier a trece un cambio cu nombracion di directora, pero segun Vrolijk a menciona esaki mester a bay via un openbare solicitatie. Esey ta e caminda cu Minister mester a cana, unda cu por a pone mas hende. En berdad e ta interino, of mester a coy un hende for di otro departamento, cu tin e mesun conocemento pone. Por a haci’e na diferente manera. Pero si ta bisa cu kier saca politica y duna un ehempel, lo a cuminsa eigenlijk, ni cu un interim, pero bay di biaha cu un director. Haci un openbare solicitatie, mustra cu ta riba un bon caminda pa mustra cu en berdad e stichting cu kier crea, ta un stichting cu ta basa riba principio cu bo ta kita politikeria for di dje.

Parlamento ta discuti hunto. Vrolijk ta para pa loke e trece dilanti. Den loke cu e minister mester atende den ministerraad, nan ta atende eyden. Parlamentarionan ta atende eyfo. Loke nan kier entrega na pueblo, pa mustranan cu Parlamento ta un luga di independiente. Nan no ta depende di Gobierno y ta sigui nan caminda manera debe ser.

Contesta

E contesta por tarda hopi. Vrolijk mes tin pregunta cu el a manda mas cu un luna pasa na diferente minister. Ta un punto cu tin cu wordo adresa cu nan tin cu haya contesta den un termino mas corto posibel. E pregunta en cuestion a bay na e minister. Un cos a bisa, cu e contesta, ja cu nee, ta bay caba. Ora cu bin bek den begrotting, lo bolbe puntra dilanti hende, pa por contesta na un manera drechi. Ja cu Nee is geen antwoord, segun Vrolijk. Ta mensahe cu ta manda na e minister.

Nan no tin un dia fiho pa contesta pregunta, e parlamentario a mustra. E por dura, un luna, dos luna, etc. Hopi biaha ora cu pidi of wak, nan ta bin ja of nee. Tin cu bisa cu esey ta falta di respet pa parlamento tambe. Ta un punto cu a bisa cu no lo acepta e cosnan aki mas. Contesta na un manera drechi. Cualkier mucha chikito di 1ste klas, por contesta ja of nee.