Awe tardi pa 2’or, e parada di Mucha na Noord a ranca sali for di veld di Bubali bieu. E parada aki sigur ta uno cu durante e paso di aña, a bira mas grandi y mas bunita, cu un bida riba su mes. Un Temporada di Carnaval sin esun di Noord, no ta completo. Esey ta haci cu mescos cu Playa y San Nicolas, Noord ta e di tres bario di Aruba, cu ta un “must” pa tin su paradanan. Prome ta e Sunset Parade, awo ta e Parada di Mucha.
Tabata tin un total di 6 grupo cu lo partiticipa, fuera tabata bay tin 1 brassband, 1 steelband, 2 banda, cualnan ta Youth Xtreme y BMW.
E parada a start, manera indica, for di veld di Bubali bieu y a caba na Centro di Bario Noord.
Un publico grandi for di tempran caba tabata para ta warda e parada bin, pa asina mira e creatividad cu e gruponan a bin cun’e. Palabra di pabien ta bay na Centro di Bario Noord pa organisa e bunita parada aki y nos lo ta pendiente pa otro aña, cual lo ta nan parada number 55.
Centro di Bario Noord cu Pacman Fever
