Esaki ta e temporada di haci compras y regala y un di e luganan faborito pa haci compras na Aruba ta e pacus local T.H. Palm & Company. E tienda precioso a celebra su di 20 aniversario ofreciendo un variedad di tesoro fabuloso y unico cu ta cuidadosamente pone den exhibicion pa brinda e cliente un experiencia di diversion y asombro.
Diahuebs dia 7 di december ultimo, e boutique a ofrece su Girl’s Night Out anima. E evento di compras ta uno masha spera cu ta tuma luga den cada temporada di fin di aña. E luga a yena cu grupo di amiga cu ta bini hunto pa celebra amistad; entre nan esunnan cu t’ey tur aña pa disfruta di un anochi di haci compras.
E anochi a transcuri di un manera fabuloso. A yama e invitadonan bon bini cu un cocktail special cu ta refleha e tema di e isla. Titula ‘Constelacion’, e ta un creacion di e Frank Kelly di Taki Green. Kelly ta un cunukero y mixologo local, conoci pa su creatividad cu loke nos naturaleza tin di brinda.
Un menu cuidadosamente selecta di bebida for di e agencia distribuidor local Divino a mantene e hendenan contento durante e anochi, mientras e cumpradonan tabata deleita den un seleccion di pasaboca tipo gourmet for di e cushina di e chef priva Xavi Jaramillo, un strea hoben y briyante den e horizonte culinario di Aruba. Invitado di e anochi aki semper ta ansioso di ricibi e regalo unico cu ta bay cu ne cas, algo specialmente selecta cada aña pa e ekipo di T.H. Palm & Company.
T.H. Palm & Company ta habri shete dia pa siman, tin un orario amplio durante henter aña. Dialuna pa diasabra for di 9:00 am pa 10:00 pm y diadomingo for di 10:00 am pa 10:00 pm loke ta haci e compra mas facil pa cualkier persona cu tin un schedule preta.
Descubri algo pa tur hende riba bo lista e december aki (te hasta pa mascota!). Tin for moda y acesorio pa hende homber y muhe, te na obheto artistico pa cas y regalito apart pa tur edad. Esunnan cu mester cumpra regalo na ultimo ora lo encanta e loramento di regalo gratis! E temporada di regala ta dura henter aña na T.H. Palm & Company danki na su iniciativa comunitario Tikkum Olam caminda un porcentahe di cada compra ta bay como donacion pa un instancia of caridad local cu e clientenan mes por scoge for di un seleccion di bon causa riba e isla, pa un donacion cu en berdad ta personal.
T.H. Palm & Company ta ubica pafo di Playa Linda Beach Resort.
