Despues di un lucha largo cu su salud, ayeranochi pa mas of menos 9:45 pm, a drenta e noticia tristo cu e conocido Juan Kock, a bay sosega. No tabata un lucha facil y ni cortico. Juan a lucha pa 16 aña largo fuertemente contra cancer, cu finalmente a gana e guera, aunke Juan a gana varios bataya prome den su proceso di recuperacion y den su lucha pa sigui biba. El a fayece awe mainta cu 71 aña di edad.
Juan Kock tabatin un trayecto impresionante den su carera profesional. El a cuminsa su trayecto trahando na Tele Aruba, despues den refineria, a sigui pa Playa Linda time share, a traha na De Palm Tours, despues na Thrifty Car Rental, mientras cu su ultimo trabou tabata como gerente di benta na Digicel Aruba. Separa di su trabounan diario, den su tempo liber a dedica hopi atencion na e mundo di dragracing y tabata hasta un miembro di directiva di e organisacion.
