Diabierna mainta team special di polis a presenta den Ranchostraat pa un bishita sopresa na un cas caminda cu lo a tuma nota di diferente brommer den sala cu muy probablemente lo tabata procedente di ladronicia.
Den oranan di mainta diferente unidad a brinda asistencia na coleganan recherche pa un investigacion relaciona cu brommer horta. Tin un sospechoso na bista y relaciona cu esaki a drenta dicho cas awe den careda 10:00 am
Tin di menciona cu dicho adres ta frecuenta pa polis, ta sitio cu nan ta bay cu masha cautela semper mirando e sierto individuonan cu ta move rond den e are aki. Na memento cu a drenta e cas awe a bin topa cu diferente brommer staciona den e cas. Un sport bike y varios scooter y entre nan algun desmantela cu a hala atencion mesora di autoridad.
Patruya di pPlaya tambe a presenta pa duna un man na colega na sitio. Na e cas tibetan un persona masculino presenta cu a duna di conoce cu e brommernan no ta procedente di ladronicia aunke tabata cuestiona e hecho cu algun no tin number y otro brommer si.
A resulta cu na final no tabata trata di brommer horta. E persona masculino na sitio a duna 24ora un entrevista chikito caminda el a informa cu un prestamo a tuma luga, a duna su amigo un suma di placa pa e saca e sportbike en cuenstion y na momento cu e haci e pago di e prestamo aki e lo haya su pertenencia. Mientrastanto e brommer lo permanece den su cas como garantia. Pero e brommernan no ta horta.
E otro scooternan cu a observa den e cas ta vehiculonan cu nan ta uza pa pusta cu nan y como tal nan ta drecha algun pa sigui forma parti di e deporte aki. No a confisca nada y polis a continua su caminda un rato despues.
