Varios ta e yamadanan na Departamento di Salud Publico di cuidadanonan preocupa riba informacion cu webo procedente di Merca ta wordo recolecta “recall” pa motibo di ta infecta cu Salmonella.
Departamento di Salud Publico den un comunicado di prensa ta informa comunidad cu seccion Dienst Warenkeuring en Hygiëne ta ricibi diariamente informacion for di Food & Drug administration (FDA) y pa loke ta e caso specifico aki di webonan contamina, esakinan no a yega Aruba.
Tur compania na Merca cu ta produci productonan tin pa registra cada produccion bou di un number cu ta yama “plant number” y den e caso aki di e webonan e plant number ta P-1065 y atravez di e number aki por sa exactamente na unda e producto ta of con leu ela yega y ta haci e proseso pa recolecta un producto of produccion uno hopi mas facil y eficiente.
