E recuperacion di nos pais ta bisto pasobra a base di e cifranan indica riba e resumen di Departamento di Salud Publico (DVG), ta indica cu 19 persona a recupera.
Fuera di esey, a registra un total di 10 caso nobo di COVID-19, di cual 1 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 497 test. ‘Positivity rate’ entre nos residentenan ta 6%.
Casonan activo pa awe ta 70, cantidad di fayecido relaciona cu COVID-19 ta na 105.
Hospital ta informa cu tin un total di 18 persona interna di cual 8 ta den Cuido Intensivo y 10 riba unidad general di COVID.
