Awe nochi pa mas of menos 8:53pm polis a pidi pa refuerso di un otro patruya na Yen Yen Bar & Restaurant. E ekipo cu ta controla pa reglanan di DVG den negoshinan a topa cu un pelea eyfo. Den e proceso, un di e bringadonan a saca un pistool riba e otro. Ora a nota cu polis a yega, a core tira e arma bou di un auto. Polis a start cu un buskeda y a topa cu e arma!
Polis a topa cu un auto cu porta habri, pa cual ta sospecha cu e auto ta di dje y e arma tambe. A detene e ora pa portacion di un arma di candela ilegal y transport’e pa ward’i polis pa mas investigacion.
Polis a core cu hopi hende cu tabata eyfo y cu no necesariamente tabata atene nan mes na regla. Tabata cana eyden sin tapaboca, sin mantene riba un distancia y riba dje, tabata bringa tambe.