Diamars den oranan di atardi, unidad di bombero a wordo manda cu urgencia den direccion di Kuriburi. Eynan a drenta informacion cu lo tin un cuarto na candela. Unidad di bombero cu a yega a pidi presencia tambe di polis y na yegada nan a topa cu e cuarto na candela, ta kere cu nan lo a cende candela pa asina core cu bij cu tabata tin becindario.
Pero no por saca afo con e cuarto a pega na candela. Bomberonan a logra domina e candela pa sigui expande y bay na e otro cuartonan cu tabata tin. Asina mes e daño ta basta, segun cuerpo di bombero. Na momento cu nan tabata bezig haciendo trabao, bomberonan a bin descubri cierto cosnan ilegal den e propiedad caminda cu e candela tabata. A bin resulta cu bin haya cierto cantidad di mata di marihuana.
A bay over mesora na atende cu e persona cu ta biba den e cuarto. Na e momento ey e no tabata tey ora cu e candela a cuminsa, pero despues cu nan a yam’e, el a presenta y el a bin haya su cuarto kima. Polis a mustre riba e situacion di e matanan di marihuana y el a admiti cu ta di dje. Polis a bay over na detene mesora. El a wordo hiba warda y e matanan a keda confisca.
