Departamento di Obra Publico ta informa pueblo di Aruba en general y specialmente nos automobilistanan, cu ta haci uzo di e caminda di L.G. Smith Blvd, cu dialuna dia 24 september 2018, diamars dia 25 di september 2018 y diaranson dia 26 di september 2018 lo bay drecha e 3 verkeersplateaunan dilanti Hyatt Hotel, Playa Linda Hotel y Paseo Herencia.
Rutanan alternativa lo keda indica cu baricadanan y borchinan di aviso y e orario di trabou lo ta di 8’or di anochi y ta programa pa caba 3’or di marduga tur 3 dia. En conexion cu e trabou menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa
