Recientemente algun contratista chikito a keha. Nan a reuni trempan mainta 6or dialuna y hunto cu dirigentenan di partido AVP cu a scuchanan a expresa nan mes. E problema ta relaciona cu e hecho cu a kibra nan contract. Ta trata aki di companianan chikito cu ta haci trabou di limpiesa canto di caminda. E trahadornan aki hopi tin basta aña trahando. Desde aña pasa a cuminsa pone presion pasobra nan debe belasting. E entradanan di e hendenan aki ta net pa nan biba.
Awor a kitanan for di trabou y nan ta keda sin placa pa biba y paga belasting. Esaki ta un maneho cu DOW a cuminsa aplica fuertemente entrante 2018. E Director di DOW, Ing. Marlon Croes, a sigura cu e motibo pa kibra nan contract ta pasobra nan no ta cumpliendo cu belasting. Den hopi caso hendenan cu debe belasting ta pone beslag riba maximo 1/3 parti di nan entrada.
Den e caso aki e director di DOW a kibra e contrato y awor nan a keda riba caya sin placa completamente pa come y paga debe. Ta e grupo cu ta move den pickup bieu ta corta mata y haci limpiesa varios caminda.