Pueblo di Aruba ta conciente di diferente cos cu ta pasa rond riba nos isla. Pesey mes nan ta yama tambe na e instancianan concerni pa asina duna informacion pa mehoracion. Den e caso aki un ciudadano a yama DOW y informa cu banda di Chivas y tambe den e area di Royal Plaza mester pinta e ZebraPad. Miles di turista ta crusa riba e pida caminda aki diariamente.
Principalmente ora tin barco ta mira e turistanan aki. Pa sorpresa a yama varios biaha y casi nunca ta atende telefon. Dia a atende telefon e persona cu a atende telefon tabata un dama.
Pa colmo el a papia na un manera hopi fresco cu e ciudadano cu a yama. Esun cu a yama diariamente ta mira e peliger pa falta di un verf drechi riba caminda pa hendenan por crusa. Un biaha DOW a manda personal y nan a pinta tres strepi so riba un pida ZebraPad.
Durante un di a yamadanan, e persona cu a contesta telefon tabata basta fada. El a bisa e persona cu a yama pa e bay reclama Land Aruba. Esaki no a cay den bon tera pasobra ta un yamada di alerta e tabata pa evita cualkier desgracia cu nos pilar economico.
