Departamento di Obra Publico (DOW) a aporta cu trahado adicional y ekipo pa yuda combato e candela grandi na Daltra. A yuda cu un extra diesel pomp y slangnan pa facilita pa por haya extra awa y asina combati e candela mas lihe posibel.
Desde merdia a surgi un candela grandi den cura di Daltra na Barcadera, cu ta forma un menasa directo pa varios edificio den vecindario. Hopi lihe a nota cu Cuerpo di Bombero ta carece di ekipo pa combati un candela grandi asina, pa cual a haci uzo di ekipo adicional di APEX mes, di Arubaanse Wegenbouw, Maurik Caribbean y otronan pa yega na mas awa y mas presion pa combati e candela. For di tur rond di Aruba por a mira huma preto bayendo halto.
Cuerpo di Bombero mes a presente cu tur seis autospuit na e sitio y e un solo tankwagen cu nan tin den funcion actualmente. Pompnan adicional no tin, for di basta tempo caba. Dos truck di brandweer a daña na e sitio, entre otro e hoogwerker. Mester a uza un crashtruck di aeropuerto un rato pa reenforsa e tankwagen na e sitio. Cu e candela aki a demostra e necesidad pa mas inversion den Cuerpo di Bombero di Aruba.
