Tur aña dia 26 di Jan rond mundo ta celebra dia International di Douane. Na aña 1952 World Customs Organization a wordo funda cu e intencion pa Douane por traha mas effectivo y efficiente. E organisacion di WCO tin alrededor di 177 meimbro.
E aña aki WCO a escohe e tema “ Un ambiente comercial sigur pa un desaroyo economico“.
Aki na Aruba tambe Douane ta yuda den esaki, nos por a wak cu Cuerpo di Aduana a caba di duna un curso na nos Brokers, asina yama e declarante cursus.
Tambe Cuerpo di Aduana tin un klas nobo ku aki 6 luna nan lo ta kla y sirbi nos pais di Aruba.
E aña aki Cuerpo di Aduana Aruba tin e honor di por host nos coleganan di nos hermana Isla di Boneiro y Corsow.
Coleganan di Boneiro ta yegando Aruba diadumingo 21 di jan cu un delegacion di 15 douanero.
Dialuna 22 jan coleganan di Corsow tambe ta yegando Aruba cu un delegacion di 45 douanero.
Commission International Douane Dag ta yama tur Douanero di nos hermana isla di Boneiro y Corsow un Bon Bini na nos dushi Pais Aruba.
Pa 6 di atardi te cu 10 anochi lo bai tin Jump-Inn cu Le Groove pa asina habri e siman di Douane. Durante e Jump-Inn lo saka e reina di Douane.
Diamars 23 jan durante dia coleganan di Boneiro y Corsow lo hasi un bishita na Balashi Brouwerij pa asina wak kon ta traha un di e mihor cerbes di Caribe. Durante dia na HfdKantoor di 8 or te 12 or merdia, lo tin un dia di salud cu Xavier University y bo por check bo bista cu Aruba Vision Center. Pa 6 or di atardi te cu 12 or anochi Boneiro – Corsow y Aruba lo midi forza den diferente ramo di deporte na Centro di Bario Savaneta. Asina e Douanero na ta traha riba e team bilding t stress out nan mes.
Diaranson 24 jan e programma ta sigi cu bishita na Aruba Aloe Balm pa nos colega nan di Boneiro y Corsow. Anochi pa 7 or nos lo topa na Eagle Bowling Palace pa asina nos di Douane Aruba hunto Boneiro y Corsow nos sigi traha riba e union di e isla hungando Bowling.
Diahuebs 25 jan Dia di Betico tin e famoso wega di Softbol na Aruba Jrs ya den ora nan trempan wega nan lo kuminsa. DJ Leo lo tey pa pone ambiente y TST Band lo deleita ya di 6 or atardi te 10 anochi cu bon musica pa bo los bo piyanan.
Diabierne 26 Jan ta e dia Official di dia International di Douane.
E dia ta cuminsa cu un santo sacrificio di misa pa 8 or di mainta. Ta invita tur Douanero y ex Douane y Aruba completo pa asisti na Misa Imaculada Concepcion na St.Cruz. Despues di misa Douanedrumband hunto Peloton lo macheer pa club San Martin. Lo macheer di parkeer plaats direccion skol San Hose subi caminda grandi direccion retonde na retonde lo bai links direccion club San Martin. Ta pidi tur automobilista pa tene cuenta cu e dia ey.
Commission International Douanedag ta manda un palabra di pabien na tur hende cu ta traha na Douane, cuminsando di werkster, bode, administratie y e Douaneronan.
Tambe nos ta manda un pabien na nos hermana isla nan di Boneiro – Corsow
Commission International Douanedag kier a termina cu un mesaje positivo pa tur trahador na Cuerpo di Aduana
“Boso bo ta kana mas lihe, hunto bo ta kana mas lue”.
