Dos soeur kendenan tabata traha na un scol catolico na California, a admiti di a horta por lo menos 500 mil dollar y a usa esaki pa gamble na Las Vegas.
Soeur Mary Kreuper y Lana Chang a coy placa di St. James’ Catholic School den e ciudad di Torrance, cerca di Los Angeles, pa gasta den casino.
E duo, kendenan a bisa di ta e miho di amiganan, tabata coy fondo for di un cuenta cu ta contene placa di matricula y donacion.
E soeurnan, kende recientemente a retira, a expresa remordimiento pa nan accionnan.
Mary Kreuper tabata cabesante di e scol pa 29 aña, mientras Lana Chang a traha eynan como un docente pa mas of menos 20 a±a. Nan ta wordo sospecha di a horta e placa den un periodo di por lo menos un decada pa gasta riba biahe y gamblemento.
Riba dialuna, St. James Catholic Church a bisa cu e soeurnan a expresa “remordimiento profundo” riba nan accionnan, agregando cu mientras cu polis a wordo informa, no tin cargo criminal cu lo wordo treci contra e duo.
“E soeurnan a confirma nan malversacion di fondo y a coopera den e investigacion,” e orden di e soeurnan, Sisters of St. Joseph of Carondelet, a bisa den un declaracion riba nan website.
“Nos comunidad ta concerni y tristo pa e situacion aki y ta lamenta cualkier daño na nos relacion largo cu e famianan di e scol,” el a agrega.
Monseigneur di e iglesia, Michael Meyers, a skirbi den un carta na e parokianonan: “Soeur Mary Margaret y Soeur Lana a expresa na mi y a pidi pa mi transmiti na boso, e remordimento profundo cu cada un di nan dos ta sinti pa nan accionnan y ta pidi boso pordon y oracion.”
E Archidiocesis di Los Angels a bisa cu e iglesia a discubri cu falta placa durante un audit di rutina.
E soeurnan tabata por a sconde nan accionnan door di deposita un cantida di cheque traha riba nomber di e scol pa matricula y otro cosnan den un cuenta di banco separa cu no ta wordo usa pa e scol.
Mayornan a wordo informa riba e hayasgo na principio di e luna.
