Diadomingo, pa mas of menos 5:00 pm, polis a bay na altura di Fa Yang Supermarket na Siribana pa un accidente entre dos Hyundai Accent.
E Accent colo cora, numera A-75691, tabata bayendo direccion di e supermercado, ora cu dado momento el a bay na su banda robes di trafico contrario y a dal frontal contra un otro accent colo bruin, numera A-43312.
Dos persona a resulta herida den e accidente aki. Paramediconan na e sitio a atende cu ambos herido. Polis di trafico tambe a presenta pa asina tuma tur dato di e accidente.
Daño material causa na ambos auto ta bastante.
