Diaranson pa mas of menos 9:15PM a manda Polis pa Meiveld pa un homber seriamente hinca riba caminda. E lo tabata sinta. Na yegada di e patruya a bin topa cu e victima di hincamento y a pidi ambulance di biaha mirando su situacion.
Na e sitio por a bin compronde di e victima cu dos hende homber a drenta den su cas na Meiveld y hink’e varios biaha cu un cuchio. E dos hombernan aki a sali na careda direccion Dakota. Paramediconan di ambulance a atende e victima y a bay cune cu urgencia pa Hospital. Su situacion ta critico.
Recherche a yega na e sitio tambe Polisnan Forensico (BFTO) y Slachtofferhulp. E caso ta bou investigacion. Di parti cuerpo policial ta pidi si un hende por a mira algo pa yama e tiplijn di polis cu ta 11141.
