Diaranson anochi pa mas of menos 11:30 Cuerpo di Bombero mester a mobilisa pa un cas bandona situa net n’e skina di Paraguaystraat y Hondurasstraat, pa ta exacto net patras di Post Kantoor. Na momento cu nan a yega, nan a topa cu dos auto na candela den e cura.
Ta trata di un auto marca Toyota modelo Yaris color blanco y un auto marca Daewoo color berde.
E causa di e candela no ta conoci, ta sospecha si cu kisas un adicto ambulante lo a cende e autonan na candela. Por a tuma nota cu alrededor di e auto tabatin varios saco cu entre otro paña y keds. Bombero y polis tabata na sitio pa atende cu e situacion.
