Diahuebs manece diabierna chauffeurnan bayendo cas pura a haya nan mes envolvi den un accidente. Chauffeur di e Yaris bayendo direccion pariba pasando Hyatt Place a dal tras di un auto deportivo. Segun testigonan, a mira autonan bayendo direccion pariba.
Tabatin mas auto den mesun direccion pero esun a stroba e otro di drenta durante pasamento. Esey a causa cu dado momento e chauffeur di e Yaris no por a controla su auto mas.
El a dal tras di e auto deportivo y zwaai dal den e berm memey di caminda. Djey e Yaris a sigui draai pa finalmente para pazuid di e caminda cara pabou.
Polis a atende cu e chauffeurnan. E Yaris no por a sigui core. Daño material ta bastante.
