Tabata algo prome cu 12:00 am cu un pickup biniendo for di Noord, na altura di Ser’i Janchi a baha caminda, ranca un pal’i luz completo. E chauffeur tabata masha preocupa, pasobra ta auto di hende el a fia y a bin hay’e den e desgracia aki.
Aunk e no tabata herida, e auto a ricibi bastante daño material y riba dje, a laga varios bario den e districto di Noord sin coriente. A activa tecniconan di NV Elmar pa presenta na e sitio pa por drecha e fayo y asina conecta e barionan riba e red di distribucion di coriente atrobe. Seguro lo tin cu cubri e gasto ey awo, esta di e pal’i luz y e gastonan di overtime pa saca tecniconan pa subi warda marduga pa reemplasa e pal’i luz.
