SEPPA y SIMAR a bin ta teniendo reunion cu docentenan di Aruba parti den diferente grupo. Loke cu a resalta den tur e reunionnan ta un mal contento grandi cu ta existi pa e maneho cu tin den Enseñansa.
E malcontento t’asina grandi cu e docentenan ta dispuesto pa subi caya pa esaki. Den tur e reunionnan a bini cu puntonan cu nan ta desea pa e sindicato atende cu nan. Tin algun, segun Secretario General di SEPPA Magaly Brito, ta cosnan cu por atende cu nan awo, pero mayoria ta aspecto di largo plaso.
Pero den tur e reunionnan a keda bini dilanti e malcontento pa e forma con ta atende cu asuntonan di Enseñansa. Y nan deseo ta pa nan pensamento wordo hiba cerca e Gobernantenan tambe, apesar cu a bini cu solucion temporal pa algun di e problemanan. E docentenan ta sinti cu, mirando tur e problemanan den SPO, TraiMerdia, MDC, nan bos di protesta mester sigui resona, prome cu aña escolar cera.
E motibo ta cu si e maneho sigui den e direccion manera cu el a bin ta tumando luga, ta bay habri aña escolar nobo cu mas problema. A resalta e solidaridad di edocentenan pa cu otro. Diaranson awo e sindicatonan lo hiba e mensahe di malcontento cu ta existi den mundo di Enseñansa cerca Gobierno. Ta pidi tur esnan cu ta traha den mundo di Enseñansa pasobra e mensahe di malcontento lo wordo hiba pa Gobierno diaranson.
