Dialuna mainta 10 di october 2022, den un sala completamente yen na OPPA a tuma luga e prome charla informativo tocante e situacion financiero di nos Adultonan Mayor, organisa pa Directie Ouderenzaken en conexion cu Luna di Adulto Mayor
Como panelista tabata t’ey presente Jonathan Upegui di CBS, Maritza Krozendijk – Relationship Manager y Financial Solutions di RBC y Wilbert Marchena – Beleidsmedewerker di Sociale Zaken. Como moderador tabata presente Edward Erasmus.
A toca diferente tema relaciona cu nos adultonan mayor manera: composicion di hogar di adultonan mayor, entrada promedio di e hogarnan cu por lo menos 1 adulto mayor y gasto di e hogarnan cu por lo menos 1 adulto mayor.
Sigur un mainta cu hopi informacion pa esunnan cu tabata presente pero tambe esunnan cu a sigui esaki via rednan social di Directie Ouderenzaken.
Directie Ouderenzaken ta gradici e panelistanan y moderador Edward Erasmus pa un tremendo presentacion. Ademas un palabra di danki na OPPA Aruba pa uzo di nan facilidad. Directie Ouderenzaken conhuntamente cu CBS lo sigui organisa charla informativo pa asina stimula mas participacion den luna di Adulto Mayor.
