Tabata un scandal durante fin di siman ora cu por a mira un fila masha largo di hende, no solamente na Departamento di Impuesto, pero tambe na e diferente MFAnan y tur ta draai rond di e mesun cos. Pagamento di belasting riba vehiculo di motor.
Pero nos a ricibi varios informacion na nos redaccion cu sorpresivamente, despues cu e minister encarga cu asuntonan economico y finansas a anuncia di un cambio di fecha, riba dialuna y diamars, no tabatin un alma para pafo.
Riba diabierna, hende ta yama pasobra un biaha mas rij largo, ta inhumano, no ta manera di trata hende, awo cu COVID. Yen di comentario a scucha y di storia di hendenan cu ta yama disgusta, pasobra segun nan, e servicio ta malo na DIMP.
Pero, den e mesun rosea tin di bisa cu e cultura, cu kisas ta uno robes di e pueblo ta keda, di paga na ultimo momento ora cu falta cinco minuut pa 12, tur hende ta yega na careda pa bin paga nan number di vehiculo di motor.
Pero esey no ta pa culpa di DIMP, pero di e ciudadanonan cu ta laat. Por ta tin un motibo valido, sea cu no tin cen. Pero tin hende tambe ta warda te na ultimo momento pa nan bin paga nan belasting di number di auto, causando un rij largo.
Den un pandemia manera cu nos ta biba aden esaki no ta bon. Pero por scoge den otro forma tambe. Por pag’e online of pag’e mas tempran. E siman prome tabata bashi. Gobierno a sucumbi, gobierno a spanta pa algun comentario y mesora a cambia fecha.
E consecuencia ta cu di dialuna caba, no tin hende cu interes pa paga nan belasing di number di auto. E dia lo yega diabierna awo, ora cu e deadline yega atrobe. Aki ta haya tur hende den rijnan largo, ta zundra rabia, otronan for di marduga, sinta prome cu toque de queda caba, pa bin paga nan belasting di number di auto. Ta necesario tur esaki?, ta e pregunta di dia.
