Segun resumen di awe diesnuebe persona a recupera y un total di diesun caso nobo di COVID-19 a keda registra di cual tres ta no-residente. E cifranan aki ta representa un ‘Positivity rate’ bou di nos residentenan di 12%. Cantidad di caso activo di COVID-19 pa awe ta 151 y cantidad di fayecidonan relaciona cu COVID-19 ta na 170.
Dato ta ilustra casonan nobo di COVID cu un averahe semanal di 15 caso pa dia y un averahe di ‘positivity rate’ semanal di 11% pa dia.
Actualmente na Aruba tin diesocho persona interna debi na COVID di cual den ICU tin cinco persona, riba piso general tin diestres persona y na Colombia tin actualmente diesocho persona den Cuido Intensivo.
