Dojo Budokan Aruba, bou di e organisacion di karate Inohea Internacional, a biaha cu un grupo di diescinco atleta pa representa e scol di karate. E atletanan di karate a biahe pa un competencia na Barranquilla, Colombia, cu ta tuma luga e riba dianan 7 y 8 october 2023.
E atletanan ta acompaña pa algun di nan mayornan y cu nan maestro di karate Sensei Eduardo Macias a sali bunita uniforma den un T-shirt cu logo di nan dojo y nan sponsor, hunto cu e bandera di Aruba. Ademas di e competencia, e atletanan lo haya entrenamento adicional di rendimento halto for di Sensei Daniel Huerfano di organisacion Inohea Venezuela cu lo biaha for di Venezuela pa asisti e grupo di Dojo Budokan.
E organisacion Dojo Budokan a haya e invitacion oficial pa asisti na e competencia “La Liga de Karate-Do del Atlantico”.
Dojo Budokan ta gradici tur persona cu a colabora cu nos eventonan di fundraising cual a encera benta di cuminda y dos car-wash. Algun atleta tambe a haci fundraising individual pa logra nan meta pa por biaha cu e grupo. Nos scol di karate no ta di acuerdo cu colecta placa banda di caminda p’esey nos a logra nos meta na otro manera. Tambe dojo Budokan ta gradici RM Detailing Carwash na Santa Cruz, Consul di Colombia y Marriot Hotels Aruba pa nan colaboracion.
