Diasabra awor e participantenan di e proyecto ‘Street Rap Musical’ lo tin nan presentacion na O’Niel Caribbean Kitchen na San Nicolas. Ta invita comunidad pa bin presencia e presentacion aki cu lo inicia 4’or di atardi.
Un grupo di hoben y adulto a forma parti di e tayernan cu a cuminsa desde 11 di april unda cu nan a ricibi un tayer intenso pa preparanan. E tayer tabata consisti di tecnicanan pa graba musica, pero tambe con pa compone canticanan. E participantenan a haci varios estudionan den bario pa por a yega na e storia di nan canticanan.
E proyecto ‘Street Rap Musical’ ta un otro proyecto di fundacion CINEARUBA enfocando riba desaroyo di talento y construccion di comunidadnan unda cu ta trece e hendenan di diferente background cerca di otro. E proyecto a wordo realisa cu ayudo di Fonts voor Cultuurparticipatie, Unoca, Prins Bernhard Cultuurfonds, VNO y Cede Aruba. Diasabra awor lo tin un solo presentacion. Pa mas informacion por bisita CINEARUBA su pagina di Facebook www.fb.me/cinearuba.
