Diadomingo Carnaval di Aruba lo yega su punto culimante di ora cu e di 69 Parada di Aruba su Carnaval, seccion Oranjestad, tuma luga.
Manera t-e caso di tur aña, Cuerpo Policial lo ta encabesa e parada hunto cu e dirigentenan di SMAC, cu lo tin un opening banner cual lo anunciando Gran Parada di Aruba su Carnaval 69. Un brassband ta acompaña nan. Un dushi ritmo di Asambeho.
Diadomingo un biaha mas lo tin seis grupo, unda cu cada uno lo trece lo miho di nan padilanti.
Pero algo comico no por keda afo pa cual ta haya Grupo Poco Loco di Noord. Nan lo ta acompaña pa Family & Friends Steel Lovers.
Royal Carnival Group ta habri como e prome grupo, door cu nan reina ta Reina di Aruba su Carnaval. Tema di nan grupo ta Players C69. Nan tin un toral di 100 participante. Animacion ta den man di NBO y lider di grupo ta Kevin James y Jeandre Myers.
Nan tin un seccion tambe Treasures of Dubai.
Como grupo number dos lo ta Empire Carnival Group.
Nan tema di e aña aki ta Festivals. Nan tin un total di 322 participante y cuater seccion: Ultra, Cherry Blossoms, Tomorrowland y Coachella. E lidernan di grupo ta JR Morales y Queeny Bergen.
Nan lo ta compaña pa Buleria.
TOB Carnival Group ta grupo number 3 y nan tema ta Asi es mi Peru. Nan ta compaña Reina di Carnaval di Colegio Arubano.
Interesante ta cu tin 47 turista cu tambe ta forma parti di e grupo.
Nan tin tres seccion y un total di 655 participante.
Nan ta acompaña musicalmente tanto pa Groove Masters como ‘Nfuzion.
Como grupo number cuater ta haya Infinity Carnival Group, c’un total di 200 participante.
Nan tin dos seccion y e lider di grupo ta Julissa Hernandis.
Infinity ta acompaña musicalmente pa DLicious.
Como grupo number cinco ta haya Champagne Carnival Group, cu ta bin cu 540 participante. Animacion ta den man di Tsunami.
Nan ta compaña e 1st Runner-up di Reina Hubenil, Sikki Asencion.
Nan tin cinco seccion: Lion King, Wizard of Oz, Broadway Visitors, Cinderella y Phantom of the Opera. E lidernan di grupo ta Lienchi Merryweather y Betsabeth Rasmijn.
Como ultimo grupo ta haya Los Laga Bai. Nan tema p’e aña aki ta Umoja.
Los Laga Bai tin un total di 350 participante y un seccion.
Musicalmente nan ta acompaña pa Robert JeanD’oe y Su Solo Banda Show. E lider di grupo ta Joanne Croes.
Como ultimo grupo ta haya poco loco y ta compaña pa steelband.
Como lastlap band ta haya Youth X-treme Band.
