Lamentabel tabata momento cu diferente hende a presencia un pareha turista ta hala otro na conopi riba pleno Valentine’s Day.
Esaki a tuma luga diadomingo atardi, den careda di 5:05PM ora cu polis a presenta pa intermedia entre un pareha turista cu claramente tabata den discusion formal cu otro.
E situacion tabata asina serio cu por a tuma nota di e golpinan cu e victima a ricibi for di su pareha. Pero e peculiar di e sucedido aki ta cu e homber ta esun cu a haya un sot’i faha for di e dama.
Polis a papia cu ambos partido, pero den su rabia e dama no kier a rasona y a dicidi di cuminsa cana bay for di sitio. Mientrastanto e homber a ricibi su pertenencianan bek y a laga sa di lo tuma un taxi pa bay bek su hotel. Un Valentine’s Day cu sigur nan no lo lubida nunca mas.
