World Migratory Bird Day (WMBD), Dia Mundial di Parha Migratorio ta un campaña anual pa crea concientizacion tocante e necesidad pa e conservacion di parhanan migratorio y nan habitatnan. E tin un alcance global y ta un herment efectivo pa eleva e consciencia di e menasanan pa parhanan migratorio, nan importancia ecologico y e necesidad pa cooperacion internacional pa proteha y conserva nan.
Tur aña hende rond mundo ta tuma accion y ta organisa eventonan publico, manera festival di parha, programa di educacion, exposicion y excursion pa bay wak parha pa celebra Dia Mundial di Parha Migratorio.
Tur e actividadnan aki tambe por ser haci cualkier otro parti di aña, ya cu migracion di parha ta experiencia e momentonan culminante den varios pais y region den periodonan diferente, pero e principal dianan pa celebracion internacional ta tuma luga e di dos diasabra di luna di mei y october cada aña.
E aña aki e dos dia ta cay riba diasabra 9 mei y diasabra 10 october 2026.
Pakico parha migratorio mester di proteccion
Migracion ta envolvi un biahe largo y cu frecuentemente un cantidad di menasa ariba caminda, mayoria causa pa actividadnan di ser humano. Y mes diverso cu e habitatnan y hendenan ta den diferente pais, asina tambe e menasanan cu parha ta enfrenta ta varia. Pasobra parha migratorio ta depende di un cantidad di sitio na caminda den nan area di distribucion biologico, e perdida di luganan pa pasa e temporada di winter, of luga di descanso por tin un impacto dramatico riba e posibilidadnan pa sobrevivencia di e parhanan.
Bula distancianan largo ta envolvi pasa multiple frontera entre paisnan cu diferente maneho ambiental, legislacion y medidanan di conservacion di naturaleza. E ta evidente cu cooperacion internacional entre gobiernonan, NGOs y otro stakeholders ta rekeri a lo largo di e rutanan migratorio pa intercambia conocemento y coordina esfuersonan pa conservacion. E framework legal y instrumentonan di coordinacion pa e cooperacion aki ta ser proporciona pa acuerdonan multilateral ambiental manera e Convencion riba Conservacion di Especienan Migratorio (CMS) y e Acuerdo riba e Conservacion di Parhanan Acuatico Migratorio di Africa y Eurasia (AEWA).
Dia Mundial di Parha Migratorio a ser inicia na 2006 pa e Secretariado di e Acuerdo riba e Conservacion di Parhanan Acuatico Migratorio di Africa y Eurasia (AEWA) den colaboracion cu e Secretariado di e Convencion riba Conservacion di Especienan Migratorio (CMS).
Tema pa 2026: Tur parha ta conta- bo observacion di parha tin balor!
E tema pa 2026 ta “Every Bird Counts – Your Observations Matter!”, “Tur Parha ta Conta- Bo Observacion di Parha tin Valor!”, destacando e papel importante di ciencia comunitario, mihor conoci como citizen science pa conservacion di parha migratorio.
E campaña ta enfatisa e balor di observacion y monitoreo haci pa persona individual, comunidad y organisacionnan mediante observacion graba di zonido, birdwatching, neishi di parha y parha cu ta bishita birdfeeder etc. pa crea data y conocemento cu por ser comparti y contribui na estudio y base di data necesario pa crea maneho structura pa conservacion di biodiversidad, tanto local como regional y internacional.
Conteo di parha (Bird Count), monitoreo di habitat, area residencial y urbano y den cura di cas tur ta esencial y den cual hende, comunidad y organisacion por participa y colabora.
E tema di e aña ta coincidi cu e 60 aniversario di e International Waterbird Census, y ta crea un oportunidad pa monitor y proteha rutanan migratorio di parhanan acuatico manera e bubinan riba e islanan dilanti costa di Seroe Colorado. Observacion di rutanan migratorio ta enfatisa e conectividad, colaboracion y responsabilidad comparti cu nos tur tin den conservacion di biodiversidad.
Dia mundial di parha migratorio, situacion di Aruba
Na e Conferencia COP12 di e Protocol Concerning Specially Protected Areas and Wildlife (SPAW) in the Wider Caribbean Region, teni na Aruba na October 2023 na Aruba, Rainbow Warriors Core Foundation como participante observador a haci un intervencion enfatisando e valor di citizen science y open data pa sostene tomo di decision pa e SPAW Protocol. A propone proyecto piloto uzando data satelital y di sensor, alinea cu e Blue Carbon framework pa aumenta monitoreo di mangel y ecosistema en general.
A subraya e necesidad pa integra inteligencia artificial (AI) pa mehora analisis di data y predictivo monitoring, cual esfuersonan lo cuadra cu e Decada di Nacionnan Uni di Ciencia Oceanico pa Desaroyo Sostenibel y e Decada pa Restoracion di Ecosistema, locual lo promove uzo di ciencia habri, participacion comunitario y conservacion di biodiversidad.
Rainbow Warriors Core Foundation ta participa den 5 community groups dedica na inteligencia artificial cu e obhetivo specifico pa crea standard pa AI pa desaroyo sostenibel. E Community Groups ta parti di e World Wide Web Consortium, un organisacion crea pa e inventor di e World Wide Web, Tim Berners-Lee. E organisacion aki ta crea standardnan pa uzo riba web mediante Working Groups y Community Groups.
Nos ta actualmente den un fase avansa di preparacion di un proyecto cu ta cuadra cu e tema di Dia Mundial di Parha Migratorio 2026.
Aplicacion di ciencia comunitario y raportahe ‘bibo’.
A evalua uzo di tres aplicacion di e Cornell University Lab of Ornithology, esta eBird, un plataforma global na unda “birders” (observador di parha) por somete data ‘live’. Ademas a investiga con pa adapta e aplicacionan NestWatch y FeederWatch pa uzo na Aruba.
Tambe a evalua uzo di Merlin Bird ID, un aplicacion cu ta uza inteligencia artificial pa identifica parha sea via zonido of foto. Y a evalua uza BirdNET, cu ta usa AI y monitoreo automatisa acustico pa siña reconoce mas di 6000 especie globalmente. BirdNET ta crea un ecosistema habri pa interconexion cu proyecto rond mundo pa reconoce canto di parha pa uzo residencial y investigacion cientifico.
Colaboracion na nivel internacional
ICARUS Birds ta un proyecto Europeo uzando satelite pa monitoria movemento y mortalidad di especie comun den tempo real, cu por ser uza pa algun especie di parha tambe na Aruba. E proyecto aki ta encabesa pa e Max Planck Institute for Animal Behavior na Alemania.
Rainbow Warriors Core Foundation ta den proceso di traha e specifacionnan pa e desaroyo di digital twins pa conservacion di biodiversidad manera proponi den nos intervencion den e conferencia SPAW COP12.
Den e cuadro aki lo bay enfoca riba colaboracion cu e proyecto Europeo BioDT, cu ta un proyecto basa riba digital twins, modelonan digital simulacro di realidad pa monitoreo di biodiversidad y EuroBirdPortal (LIFE EBP), cual ta combina data di 31 pais Europeo pa monitoria den tempo real patronchi espaciotemporal den distribucion di parha. Tin actualmente mas di 20 plataforma en linea na Europa colectando data di observacion di parha na Europa.
Y lo,incorpora tambe un digital twin pa ocean y integra e rekisitonan necesario pa inclui e Man and Biosphere Biosphere Reserve designa dor di UNESCO pa Aruba.
