Awe marduga net algo despues di 1:00 am, Polis a nota un pick-up marca Toyota modelo Hilux coriendo masha malo riba caminda nan dilanti. E auto tabata core estilo zigzag y a pone cu polis mester a actua mesora.
A logra di para e pick-up riba caminda di Hato net un tiki prome cu yega na e rotonde di Tanki Flip. Ora a pon’e supla, a constata cu e chauffeur a surpasa e limite legal di alcohol den bo rosea, cu ta permiti pa por stuur auto riba caminda.
Durante detencion di e chauffeur, aunke e tabata fout, asina mes el a protesta y medio resisti cu e polisnan na e sitio. Polis a pone ordo, boei e y a hib’e pa ward’i polis, unda e por sosega su curpa y pa mas laat sden dia e lo mester duna cuenta na un sub-fiscal pa dicidi riba su detencion of multa pa stuur auto burachi.
