Riba e caminda di Camacuri, banda di Aruba Bank, a caba di sosode un accidente fuerte, unda cu un auto Kia Sportage color preto A-18809 a alcansa un peaton. Cu urgencia polis y diferente unidad di ambulance a presenta na e sitio pa atende cu e accidente aki. Ya caba polis a cera e caminda y a desvia e autonan.
E dos unidadnan di ambulance a presenta na e sitio pa brinda asistencia n’e peaton herida. E Kia Sportage a dal contra di e borchi y a para un poco mas pabou. Aunke e personal di ambulance a purba di stabilisa e peaton, nan no por a haci nada mas p’e.
Polis a cera e caminda pa asina cuminsa investiga pa asina haya sa kico tur a tuma luga. Esaki ta e di cuater morto di trafico. Un persona a keda deteni na e sitio.
