Djasabra 25 di ougùstùs 2018, alrededor di 01.45 or di mardugá, Polis a detené un hòmber en konekshon ku maltrato ku arma.
Un dama, den oranan di mardugá a yega na warda di polis Montana pa un intermediashon,
miéntras su kompañero tabata sinta pafó den outo ta ward’e.
Dado momento un otro vehíkulo a kore yega dilanti di warda i e shofùr di e vehíkulo aki a baha i kuminsá agredí e hòmber ku tabata sinta den outo ta warda.
Polisnan a Sali mesora bai pafó pero no por a evitá ku esun ku tabata sintá den outo dilanti warda, e hòmber E.E.K.B. nase na Kòrsou di 27 aña di edat, a propiná su agresor dos hinka.
Ku ambulans a transportá e último aki pa hospital pa tratamentu médiko.
Polis na e sitio mes a detené e sospechoso E.E.K.B. pa maltrato ku arma.
A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.
