Bisiñanan di Companashi a keda terorisa diabierna anochi ora a scucha sonido di tiro den nan humilde bario.
A bati alarma mesora na autoridad cu a responde den algun minuut. A señala un Ford Explorer color cora sospechoso di a los tiro. Polis a para e auto pariba di Santana di Gobierno.
Cu loudspeaker y arma na man Polis a pone tur ocupante baha for di e SUV cu man na laira.
Polis a listra tur tres homber y e auto completo. A haya un arma di aire den e vehiculo. Polis a detene tur cuater homber y confisca e auto.
A cera un gran parti di e area pa team forensico di Polis por investiga. A haya huls dilanti Cleopatra den Daltonstraat, a haya huls tambe na e t-spliting di Edisonstraat cu Reaumurstraat.
Bisiñanan a sali di nan cas tur spanta pa e sucedido. Ta sospecha cu problema di gang cu a bay for di man a bin caba te den Companashi.
