Polis a presenta na un supermarket na Savaneta pa atende cu un persona drumi dilanti e establecimento.
Na yegada a bin topa cu un homber drumi den e area di parkeo cu tabata mustra di ta bou influencia di alcohol muy probablemente. Esaki a sosode den careda di 3:30PM ora cu un cuidadano preocupa a tuma contacto cu polis.
Durante cu ta atende cune, a tuma nota cu e ta herida, algun corta na man cu pia. No a basila y a brind’e un atencion humanitario. A saca e “first aid kid” y asina cubri su heridanan.
A purba comunica cu e persona pero no por a indica cu siguridad unda e ta biba, cu a haci’e mas dificil pa e polisnan pa hibe su cas. A opta pa deten’e y transport’e warda di San Nicolas pa asina e por descansa y recupera di e estado cu e ta aden.
