Diaranson anochi varios unidad di polis a bay pura den direccion di Mandolinstraat na Tarabana. A drenta informacion di problema serio entre bisiñanan pa cual menasanan serio a cay. Unidad di Playa, unidad di K9 y tambe e unidad di Team di Aresto a presenta.
Un trio masculino presente na un adres den Mandolinstraat ta sospecha di a menasa y tambe manda auto riba e bisiñanan dilanti di nan cas. Ta un problema di grupo di hoben y cu como bisiña no por biba cu bon amistad cu otro. Ofensanan y discusion tin constant entre “nan cu nan.” A cuminsa un buskeda pa e trio y a drenta un cura di cas caminda nan lo a drenta cu auto. E mesun auto cu tambe polis a confisca pasobra testigonan ta conta cu nan a manda e auto riba nan.
Polisnan a rondona e cas pa evita cu e trio ta huy. Finalmente a logra detene tur tres y den transporte policial a hiba nan warda di polis pendiente interogacion. Ora cu a sali cu nan for di e cas pa bay den transporte policial, ainda nan tabata expresa nan mes cu grito den direccion di e bisiñanan otro banda di caminda. Takelwagen a hiba e auto warda. Polis a listra den e Lancer pa arma. E momento ey no a topa cu arma.
