Desigual a habri su portanan den Caya Grandi

Desigual a habri su portanan den Caya Grandi net banda di Zarra, den Caya Betico Croes y
tur hende ta wordo invita pa bin mira nan productonan hopi colorido.

Segun Laura Vides, store manager, nan ta concentra den estampado manera di Africa,
India. Tin producto pa tur hende y pa tur size, pa hoben, hendenan mas grandi. Ta invita y
un tur pa bin. Nan orarionan ta di 9’or di mainta pa 7’or di anochi y di dialuna pa diasabra.

 

Pa tuma contacto cu nan, por sigui nan via Instagram. Nan ta contento y orguyoso cu nan a habri nan portanan diamars, pa asina brinda mas opcion pa e clientenan local y demas bishitantenan.

Un marca internacional

Tessio Sartorio ta Brand Manager di Desigual Spaña tabata tey durante e apertura di e
tienda.E ta conta cu nan a cuminsa cu e marca na 1984 na Barcelona, Spaña. E idea di e marca tabata pa cuminsa inicialmente cu tehidonan di jeans y unicamente cu e proyeccion di
hende homber. Pero obviamente tabata impresionante cu na inicio di Woman a crece asina tanto, cu nan a expande rond mundo. Pa Desigual, ta hopi interesante y hopi strategico cuminsa na inaugura e tienda na Aruba. Lo mas importante ta invita tur Arubiano pa bin conoce Desigual.

Riba ken ta enfoca e marca

Desigual awendia ta pa tur hende. Nan tin prenda pa hende muhe, nan tin acesorio pa
hende muhe, tin pa hende homber y pa kids. Pero specificamente pa Aruba, lo bay traha cu e liña y acesorio pa hende muhe.

Ta traha cu temporada

E temporadanan ta wordo parti den dos estacion, esta primavera y verano. A habri e tienda
na Aruba pareu cu e temporada di primavera y verano, cual yama Color Me. Pero tambe tin
e temporada di Fall y Winter, cual ta traha den e hemisferio sur.

Pasa bishita

Asina, pasa bishita Desigual den Caya Betico Croes y wak pa bo mes e surtido amplio di
paña pa hende muhe y tambe acesorionan di calidad halto.