Den oranan di marduga pasco of segunda pasco, desconocidonan a yega Emmaschool na Ayo, a causa daño y a reboltea den un of mas klas. Polis ya a wordo notifica den e caso aki.
Joseline Oduber, cabesante di Emmaschool, a splica cu e scol ta uno special pa alumnonan special, caminda cu semper tin trankilidad y no tin ningun participacion di vandalismo.
Pa prome biaha, despues di tanto tempo, despues di dianan di fiesta cu individuonan ta drenta den cura di scol y ta kibra bentana, drenta den klasnan.
Den grupo 1, caminda cu tin muchanan chikito. Den grupo 3, caminda cu tin muchanan basta hoben y chikito y den un otro klas banda di dje tambe.
Den tres klas a tira piedra y a drenta y haci vandalismo den e klas, reboltea tur cos.
Ora cu nan por a drenta, por a mira cu na e borchinan tin e bon mensahenan di pasco, kerstboomnan ainda ta drecha den e klas, cu pa ora scol habri, ainda por bisa e muchanan kico e tres reynan ta trece pa nan.
Lamentablemente tin cu habri scol cu nan klasnan ta reboltea. Semper a pidi bario, bisiñanan pa cuida e scol, pasobra ta joya tin un scol tin eynan. Bisiñanan a bati alarma cu tin algo straño den cura di scol. Na comienso a compronde cu tabata tin huma, pero Danki Dios no ta asina, sino lo tabata preocupa cu lo tabata candela.
Den esey no ta e caso. Solamente tabata tin toch e parti cu nan ta drenta den cura di scol y kibra cosnan cu ta di e muchanan.
Ta pidi henter comunidad, hobennan, muchanan jong, ora cu pasa banda di Emmaschool, mester yuda pa cuid’e. Emmaschool tin un parke masha bunita, cu si ta bishita bo kier haci, pa bo drenta den e parke, pa bo haya cana of pa bo haya inspiracion pa skirbi un cantica of buki, hobennan ta welcome. Tin e grupo di karate cu tambe ta usa e gymzaal.
Ora cu nan ta eynan, nan ta tira bista y cuida e scol. No sa kico por a pasa e biaha aki cu a dicidi di drenta y haci daño na e scol. Henter e team di Emmaschool, e mayornan tambe sigur, nan ta para tras di loke cu e cabesnte ta pidi.
Ta pidi pa cuida e scol y pa stop tur e vandalismo aki pasobra no ta nada dushi pa bo habri aña nobo y bo ta drenta den bo klas y bo cosnan no ta na ordo y no ta nechi of nan ta kibra.
Esaki ta locual cu e cabesante ta desea di comparti y pa pidi pa tur cuida e scol. Di parti di polis, ya caba nan a bin haci nan reporte. Di parti di DPS, tabata tin contacto caba cu sra. Nora y di parti di Directie Onderwijs tambe, a haya personanan pa bin yuda pa por drecha e scol durante cu ta vakantie awor aki.
Ta desagradabel awo den dianan di fiesta, unda cu nan mester a activa tur maestro pa presenta na scol y cuminsa mira con ta drecha esaki prome cu scol habri bek otro aña, Januari 2019.
