Den un garden party cu a tuma luga den Patio 15, a introduci n’e mercado di Aruba e ultimo di e cas di Bodega Chandon Global, cual ta algo nobo den nan portfolio, cual ta Bodega Chandon Spritz cual ta cla pa sirbi y p’e mercado di Aruba, segun Melissa Geerman di Aruba Trading Company,
Segun Geerman, Bodega Chandon Spritz no ta uza sabor artificial. E ta traha di e extracto di e casca di apelsina, asina crea e sabor di bitter, local t’e Bodega Chandon Spritz.
EVENTO
Aruba Trading Company a scoge pa haci un celebracion completo na Patio 15. E concepto di Bodega Chandon Spritz ta un garden party. Diferente luga na mundo a organisa esaki y Aruba no por keda afo.
Aki a celebra bida y ambiente despues di e temporada tiki dificil pa mundo, Geerman a splica. Mas cu claro Bodega Chandon mester ta presente.
UNDA POR HAY’E
For di awo caba Bodega Chandon Spritz ta disponibel unda cu ta na bo mercado faborito y pronto na tur restaurant y bar na Aruba. Por hay’e tambe na Aruba Trading naturalmente.
KI MAS POR SPERA
Pa loket a Bodega Chandon, e marca riba su mes, e ta un sprakling di e portfolio di Moed Hennessy (bon conoci pa su marca di champagne), cual ta un producto bunita pa cualkier cartera y di super bon calidad.
Keda cu e curiosidad cu bo tin caba y no duda pa profundisa den e ocasion nobo di concepcion manera un actividad, segun e representante di Bodega Chandon, Nathan Benfrech fo’i Martinique.
E ta conta cu riba e marca y e producto Bodega Chandon Spritz. E marca Chandon ta marca di un biña Argentino y p’e anochi a introduci e Chandon Garden Spritz. A scoge esaki basicamente pasobra na Argentina tin e apelsinanan local combina cu e specerijnan cu ta bin for di otro parti di mundo y ta special p’e consumidor di Aruba cu ta buscando pa un momento di aperititivo como tambe pa un momento festivo.
Ta p’e motibo aki mes a warda p’e momento oportuno pa lansa e liña aki na Aruba. Nathan ta hopi contento cu e respons ta hopi positivo. Ta gradici tambe n’e ayudo precioso di Aruba Trading Company. Cu Chandon por tabata por a organisa un tremendo lansamento p’e mercado di Aruba.
Cu e lansamento aki, e publico tabata spera p’e tipo di energia asina. Awo cu nan por sali bek y nan kier haya experiencia adicional y kier bay mas leu. Ta p’e motibo aki mes a bin cu e Garden Spritz aki.
