E ta un artista cu ta enfoca su mes riba e musica reggeaton cristian. Cristian Cabrera no ta un artista desconoci den e mundo di musica. E ta preparando un cantica nobo pa entrena pronto. Tur cos a cuminsa na aña 2005, ora Airon a cuminsa cu su carera musical. A cuminsa na iglesia y hunto a lanta e prome grupo di reggeaton cristian na Aruba. E tin su trayecto largo den musica. A canta hopi biaha den KIA y na 2009 tabatin e honor di habri e concierto di Daddy Yankee na Aruba, e tempo ey cu musica cristian.
Manera ta conoci, tin cinco di ministerio y den nan no tin musica. Na prome instante musica no tabata mucho bonbini den iglesia, pero e ultimo añanan, pocopoco a bin ta acept’e. Riba 26 di mei proximo, Airon hunto cu un artista di Puerto Rico ta bay lansa un cancion nobo. Airon ta sinti cu Aruba ta birando relevante den musica urbano. Tin basta artista local cu pocopoco ta creciendo y ta birando un figura importante pa e genero aki. Apart di e musica cu lo estrena dia 26 di mei proximo, por spera mucho mas di Airon Music. E cantica cu lo estrena ta titula; Con Una Palabra Remix. Ta trata di por lo menos cuater artista cu hunto lo sali riba e video clip aki. E artista na final hasta a duna un conseho pa tur hopi. Disciplina ta algo hopi importante, si bo ta tin un soño, kere den dje y bay p’e, no laga ningun hende kibra bo. E aspecto mas importante di bida, ta Dios. Dios ta stima bo y tin un proposito pa nos tur, anto riba tira!
Di parti Headlines Group, kende ta e cas editorial di 24ora.com y Trempan, ta desea Cristian Cabrera, conoci como Airon Music hopi exito cu e produccion nobo y pa tur proyecto binidero.
