Ta parce cu ningun di e dos partidonan mas grandi na Aruba, esta AVP y MEP no tin cuero di cara mas. Un ta culpa otro ken ta mas corupto. Armand Hessels ta presidente di Fundashon Gobernashon di Calidad Aruba. Durante un entrevista el a vocifera bisando cu; mayoria di e casonan di corupcion ta riba e partido berde, esta AVP. Ta pa es motibo prome minister ta categorisa AVP como e universidad di corupcion.
Pero pa MEP, tambe ta mesun cos. Por corda bek riba e acusacionnan serio pa cu Aruba Huis. For di hopi prome cu a cuminsa cu e investigacion, a resulta cu prome minister a ricibi un carta anonimo for di funcionarionan di Aruba Huis, indicando cu; cos ta bayendo robes. Na final a resulta cu, mayoria di e puntonan cu e trahadonan a pone den un carta, a resulta di ta berdad.
Pues, por compara AVP cu MEP igual. AVP a pone Benny Sevinger riba nan lista sabiendo su acusacionnan y MEP tambe tabata na altura di kico e ex-minister Guillfred Besaril tabata cometiendo den Aruba Huis. Actualmente tin dos ex-minister di MEP cu tambe ta bou investigacion. Tanto Chris Romero como Edison Briesen. Ora mira e deal di Eagle LNG, ey tambe por mustra cu por tin posibel corupcion. Ta parce cu MEP su ideologia ta: “Un persona ta corupto, tanten cu e ta forma di otro partido, pero na momento cu join MEP, su corupcion no ta conta mas.” Esey ta simplemente un hipocrecia politco!.
