E scol Conrado Coronel na Morgenster no a habri e siman bon. A dicidi di cera e scol ta proximo aviso mirando cu a confirma Coronavirus. Tur cos ta indica cu lo cuminsa accion mesora pa asina mira con lo sigui. E realidad ta cu situacionnan similar ta presente na otro scolnan tambe cu awe no a habri ainda desde fecha 3 di September. Esaki ta e carta cu a sali relaciona cu e situacion di e scol Conrado Coronel.
TOCANTE COLEGIO CONRADO CORONEL
Minister Freddis Refunjol a efectua apertura oficial di Colegio Conrado Coronel dia 8 December 1992. Na april 2004 e scol a muda pa su edificio nobo na Morgenster. E tempo ey cabesante Yvonne Wever tabatin hopi influencia riba e mapa pa e edificio nobo. Awendia e scol ta conta cu un seccion di kleuter y basisschool.
Conrado van Thijs Coronel a nace na 1907 y a bay sosega na e edad di 84 aña, dia 23 juli 1991. E tabata alumno di Dominicus College na Corsou. Despues di a sigui su estudio pa maestro na St. Thomas College na Corsou, unda el a pasa su examen y a ricibi su titulo como ‘onderwijzer’ el a bolbe Aruba. Di aña 1926 te 1966, pues durante 40 aña largo el a dedica na educacion di hubentud na Aruba. Prome cu e fraternan di Tilburg y despues cu Frèrenan de La Salle.
Como educado e tabata un persona sumamente dedica na su tarea y tanto cu e tabata por e tabata yuda pa prepara e hobennan pa nan futuro, tambe despues di oranan di scol na su cas na Socotoro. Riba tereno social, silenciosamente e tabata conseha y yuda tur esunnan cu tabata acudi cerca dje. Su Mahestad La Reina, a condecor’e como ‘Drager gouden eremedaille’ in de ‘Orde van Oranje Nassau’.
