“Actualmente nos ta experenciando dificultad tecnico di nos sistema digital y telefon a consecuencia di e interupcion di coriente ayeranochi. Pa e motibonan aki nos no por duna servicio di caha na Camacuri, MFA-nan y na nos oficinanan na DIMAS ni na San Nicolas”, asina Departamento di Impuesto (DIMP) a informa awe mainta riba nan pagina di Facebook.
Update: Atardi DIMP a informa cu a soluciona e fayo y cu mañan ta “business as usual” atrobe!
Pa loke ta servicio di informacion na cliente na Camacuri, esaki tampoco ta posibel. Solamente nos servicio di recepcion (na Camacuri) ta keda operacional durante dia pa por entrega cualkier documento di impuesto.
E interupcion di servicio aki ta valido te cu proximo aviso. Departamento di Impuesto ta pidi disculpa pa e inconveniencia aki y lo reanuda operacion asina cu e sistemanan digital ta operacional.
