Diahuebs, 28 di Maart, for di 2’or di merdia pa 5’or di atardi, De Schakel College lo bay tin un Open Middag pa alumnonan y nan mayor.
Esaki ta loke nan ta haci tur aña. Schakel College ta pa MAVO, HAVO y VWO. Schakel College ta un scol particular y mayornan mes ta paga pa e scol. Durante e tempo aki por inscribi e muchanan na e scol y riba e atardi aki por mira kico tur e scol ta brinda.
Tambe nan tin un scol basico, un kleuterschool y peuterschool. Semper por traha cita pa asina por bin mira si e por ta interesante pa nan yiunan.
De Schakel College ta ubica na Boegoeroei 7-B.
Pa mas informacioin, mayornan por bay riba website di De Schakel, cual ta www.schakelaruba.com. Eyriba por haya tur informacion di e scolnan.
De Schakel College
Schoolleider di De Schakel College a comenta cu nan ta un scol secundario particular. Loke ta haci nan unico cu nan tin tur tres nivel, esta MAVO, HAVO y VWO bao di un solo dak. Nan ta un scol chikito y tin mas of menos 120 alumno den cas. Loke ta haci nan particular ta cu nan por duna atencion personal na e alumnonan.
Nan tin mas of menos 25 docente cu ta traha full y part time. Tin 10 di e docentenan cu ta local.
Nan ta haya tur les loke e scolnan secundario. Tambe nan ta haya tur idioma, esta Hulandes, Ingles, Spaño, Papiamento y tin algun mucha tin e escogencia di haya Frances y Aleman tambe. Tambe nan tin e vaknan manera Wiskunde, Biologie, Natuurkunde, tur e vaknan cu por haya den e opleidingnan aki.
Diplomanan di Schakel College ta reconoci mundialmente. Tambe por scoge pa Staatsexamen na Boneiro. Esey ta conta pa alumnonan di MAVO y HAVO. Ultimo añanan 90% di e studiantenan ta haal un diploma y esey ta loke e scol ta hopi orguyoso di dje.
No tin uniform
Un cos cu ta remarcabel ta cu e alumnonan di De Schakel College no tin uniform. Na comienso, tempo cu a cuminsa cu e scol, a cuminsa cu un Conseho di Alumno y a base di un encuesta, mas di mita di e alumnonan, no kier uniform y a lag’e asina.
Aña pasa a bolbe bin cu un encuesta entre e alumnonan y ainda ta asina cu mas di mita di e studiantenan, no kier uniform. Y ta mantene asina. Si e encuesta resulta diferente, e ora lo a dicidi otro. Pa awo e ta keda sin uniform.
Rason
No tin realmente un rason. Ta importante pa laga sa kico nan ta haci cu nan bistimento. Nan tin e chens pa por bisti manera cu nan kier. Si tin como condicion cu nan mester bin decentemente bisti.
