Na cuminsamento di aña tabata tin tambe un destaho pa e proyecto di fase uno pa upgrading di e area di Malmok. Den e destaho publico Thiel Corporation a sali como e compania mas economico, dunando nan asina e derecho pa por construi riba dje.
Segun David Britten, e Boardwalk ta un proyecto sumamente bunita pa e parti turistico di nos isla. Si wak bon, a tene cuenta cu sigur mas cu un kilometer di looppadnan di beton, unda cu hende ta haciendo uzo caba tur dia di esaki.
Tin 240 meter di e boardwalk di palo duro, unda cu ya caba esey ta den su fase final. Tabata tin cambio cu a bin durante ehecucion di e proyecto, tin kolom cu lo bin cu iluminacion, pero tambe lo bay bin mosaic di diferente parha. “Si wak bon, e ta un proyecto riba su mes hopi bunita mes,” Britten a comenta.
Britten ta sigui splica cu e tabata tin su retraso. Den tur proyecto tin cambio, upgrading, tin otro pensamentonan y esey a pone cu tin cosnan cu a tarda un tiki. Riba su mes awor aki, ya nan ta den e ultimo facetanan y poco poco por mira con e proyecto ta kedando.
Fecha final
Den e prome simannan di december, kier keda cla pa cuminsa haci limpiesa y laga e luga cla pa Pasco y aña nobo por tin e trankilidad banda di lama.